فحص نشاطك على خرائط جوجل مجاناً
نشاطك بيظهر قبل منافسينك على خرائط جوجل؟
اكتب اسم نشاطك، وفي أقل من دقيقة هتعرف درجة ملفك على جوجل، وتقييماتك قدام المنافسين حواليك، وإيه اللي ناقصك عشان تبقى أول نتيجة. ومعاه هدية: لينك وQR «قيّمنا على جوجل».
إيه اللي بنفحصه في نشاطك؟
اكتمال الملف
التليفون والموقع ومواعيد العمل والصور والتصنيف: كل حاجة جوجل بيستخدمها عشان يرشّحك للناس.
السمعة والتقييمات
متوسط تقييمك، وعدد التقييمات، وإمتى آخر تقييم وصلك، لأن جوجل بيحب الأنشطة اللي التقييمات بتوصلها باستمرار.
قوتك قدام المنافسين
بنقارنك بالأنشطة اللي بنفس تصنيفك في نطاق 3 كم: ترتيبك، والفرق في التقييمات، وتحتاج كام تقييم عشان تلحق الأول.
أسئلة شائعة
إيه هو Google Business Profile؟
هو الكارت اللي بيظهر لنشاطك على خرائط جوجل وفي نتايج البحث: الاسم والعنوان والتليفون ومواعيد العمل والصور والتقييمات. ومجاني تماماً، وهو أهم مصدر للعملاء القريبين منك.
إزاي جوجل بيرتّب الأنشطة على الخرايط؟
بيعتمد على 3 حاجات: قرب النشاط من اللي بيدوّر، ومدى تطابقه مع البحث (التصنيف والبيانات)، وشهرته (عدد التقييمات ومتوسطها ونشاط الملف). الأداة بتقيس الحاجات اللي في إيدك تحسّنها.
إزاي أزوّد التقييمات بسرعة؟
خلّي طلب التقييم خطوة ثابتة بعد كل خدمة: ابعت لينك «قيّمنا على جوجل» على واتساب، وحط الـ QR في مكان واضح. ممنوع تشتري تقييمات أو تدّي مقابل ليها، لأن جوجل بيمسحها وممكن يعاقب الملف.
نشاطي مش ظاهر في البحث خالص، أعمل إيه؟
ممكن يكون الملف مش متوثّق، أو باسم مختلف، أو مش موجود أصلاً. كلّمنا على واتساب ونساعدك تعمله أو تستلمه وتظبطه صح من الأول.